ನಾನು ಓವೈಸಿ ಎಂದು ಹೇಳಿದ್ದು, ಒಬಿಸಿ ಅಲ್ಲ’’.. ವಿಡಿಯೋ ವೈರಲ್​ ಬೆನ್ನಲ್ಲೇ ಯೂಟರ್ನ್​ ಹೊಡೆದ ರಾಮ್​ದೇವ್​

ಯೋಗ ಗುರು, ಪತಂಜಲಿ ಸ್ಥಾಪಕ ಬಾಬಾ ರಾಮ್​ದೇವ್​ ಹೇಳಿಕೆಯ ವಿಡಿಯೋವೊಂದರಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್​ ಆಗಿತ್ತು. ಆದರೀಗ ತಾವು ನೀಡಿದ ಹೇಳಿಕೆಯ ಕುರಿತು ಸ್ಪಷ್ಟೀಕರಣ ಕೊಟ್ಟಿದ್ದಾರೆ. ‘‘ನಾನು ಓವೈಸಿ ಎಂದು ಹೇಳಿದ್ದು, ಒಬಿಸಿ ಅಲ್ಲ’’ ಎಂದು ಹೇಳಿದ್ದಾರೆ.

ಬಾಬಾ ರಾಮ್​ದೇವ್​ ವಿಡಿಯೋವೊಂದರಲ್ಲಿ ವೇದಿಕೆ ಮೇಲೆ ಪೂಜೆ ಮಾಡುತ್ತಾ ‘‘ನನ್ಮ ಮೂಲ ಗೋತ್ರ ಬ್ರಹ್ಮ ಗೋತ್ರ, ನಾನು ಅಗ್ನಿಹೋತ್ರಿ. ನಾನು ಅಗ್ನಿಹೋತ್ರಿ ಬ್ರಾಹ್ಮಣ. ಅವರು ಹೇಳುತ್ತಾರೆ ಬಾಬಾಜಿ ನೀವು ಒಬಿಸಿ..’’ ಎಂದು ಹೇಳುವ ವಿಡಿಯೋ ವೈರಲ್​ ಆಗಿತ್ತು.

ರಾಮ್​ದೇವ್​ ವಿಡಿಯೋ ಹೊರಬಿದ್ದಂತೆ ಹಲವರ ಆಕ್ರೋಶಕ್ಕೆ ಕಾರಣವಾಯಿತು. ಅನೇಕರು ಈ ಬಗ್ಗೆ ಕಿಡಿಕಾರಿದ್ದರು. ಪತಂಜಲಿ ಹ್ಯಾಶ್​ ಟ್ಯಾಗ್​ ನಮೂದಿಸುವ ಮೂಲಕ ರಾಮ್​ದೇವ್​ ಹೇಳಿಕೆ ವಿರೋಧಿಸಿದರು. ಆದರೆ ಈ ಬಗ್ಗೆ ಸ್ಪಷ್ಟಣೆ ನೀಡಿದ ರಾಮ್​ ದೇವ್​ ‘‘ನಾನು ಓವೈಸಿ ಎಂದಿದ್ದು, ಒಬಿಸಿ ಅಲ್ಲ’’ ಎಂದು ಹೇಳಿದ್ದಾರೆ.

ಬಳಿಕ ವರದಿಗಾರರು ಒಬಿಸಿ ಎಂದಾಗ ಪ್ರತಿಕ್ರಿಯಿಸಿದ ರಾಮದೇವ್ ‘‘ನಾನು ಯಾವತ್ತೂ ಒಬಿಸಿ ಬಗ್ಗೆ ಏನೂ ತಪ್ಪಾಗಿ ಹೇಳಿಲ್ಲ’’ ಎಂದು ಹೇಳಿದ್ದಾರೆ.