– ಮಾರ್ಚ್ ವೇಳೆಗೆ ನಿತ್ಯ 42 ಲಕ್ಷ ಕೇಸ್
ಬೀಜಿಂಗ್‌: ಚೀನಾದಲ್ಲಿ(China) ಪರಿಸ್ಥಿತಿ ದಿನದಿಂದ ದಿನಕ್ಕೆ ಹದಗೆಡುತ್ತಿದೆ. ದಿನಕ್ಕೆ 10 ಲಕ್ಷಕ್ಕೂ ಅಧಿಕ ಮಂದಿ ಕೊರೊನಾ ಸೋಂಕಿಗೆ(Corona Virus) ತುತ್ತಾಗುತ್ತಿದ್ದು, ಪ್ರತಿ ದಿನ 5 ಸಾವಿರಕ್ಕೂ ಹೆಚ್ಚು ಸಾವು ಸಂಭವಿಸುತ್ತಿದೆ ಎಂದು ಲಂಡನ್ ಮೂಲದ ಅನಾಲಿಟಿಕ್ಸ್ ಸಂಸ್ಥೆ ಹೇಳಿದೆ.
ಏರ್‌ಫಿನಿಟಿ ಲಿ ಸಂಸ್ಥೆಯ ಪ್ರಕಾರ ಚೀನಾದಲ್ಲಿ ಈಗ ಪ್ರತಿದಿನ 10 ಲಕ್ಷ ಸೋಂಕಿತರು ಪತ್ತೆಯಾಗುತ್ತಿದ್ದು, ಜನವರಿಯಲ್ಲಿ ಇದು 37 ಲಕ್ಷಕ್ಕೆ, ಮಾರ್ಚ್ ವೇಳೆಗೆ ಪ್ರತಿನಿತ್ಯ 42 ಲಕ್ಷಕ್ಕೆ ಏರಿಕೆಯಾಗಬಹುದು ಎಂದು ಅಂದಾಜಿಸಿದೆ. ಜಗತ್ತಿನ ಯಾವುದೇ ದೇಶದಲ್ಲಿ ಈ ಪ್ರಮಾಣದಲ್ಲಿ ಸೋಂಕಿತರ ಸಂಖ್ಯೆ ಏರಿಕೆಯಾಗಿಲ್ಲ ಎಂದು ತಿಳಿಸಿದೆ.
China's only reported a few covid deaths since reopening. But situation on the ground says otherwise. Visited crowded crematorium in Beijing, people told me their loved ones died of covid
Worker at covid-designated hospital told me people are dying of covid every day @AC360 pic.twitter.com/tlvyyA3FUZ— Selina Wang (@selinawangtv) December 21, 2022
141 ಕೋಟಿ ಜನ ಸಂಖ್ಯೆ ಇರುವ ಚೀನಾ ಇಲ್ಲಿಯವರೆಗೂ ಅಧಿಕೃತ ಕೊರೊನಾ ಪಾಸಿಟಿವ್‌, ಸಾವಿನ ಸಂಖ್ಯೆ ನೀಡಿಲ್ಲ. ಆದರೆ ಚೀನಾದ ಪ್ರಾಂತ್ಯಗಳ ಸ್ಥಳೀಯ ವರದಿಯನ್ನು ಕಲೆಹಾಕಿ ಇಡೀ ದೇಶದಲ್ಲಿ ನಿತ್ಯ ಪತ್ತೆಯಾಗುತ್ತಿರುವ ಸೋಂಕಿತರ ಸಂಖ್ಯೆಯನ್ನು ಅಂದಾಜಿಸಿ ಏರ್‌ಫಿನಿಟಿ ಸಂಸ್ಥೆ ಈ ವರದಿ ಪ್ರಕಟಿಸಿದೆ.
ಚೀನಾದ ಪ್ರಮುಖ ನಗರ ಶಾಂಘೈನಲ್ಲೇ(Shanghai) ಒಟ್ಟು 54 ಲಕ್ಷ ಮಂದಿಗೆ ಕೊರೊನಾ ಬಂದಿದೆ. ಈ ಕಾರಣಕ್ಕೆ ಶಾಂಘೈ ಆಸ್ಪತ್ರೆ, ನಗರದಲ್ಲಿ 2.5 ಕೋಟಿ ಜನರು ಕೋವಿಡ್‌ಗೆ ತುತ್ತಾಗಲಿದ್ದಾರೆ. ನಮ್ಮ ಬಳಿ ಯಾವುದೇ ಆಯ್ಕೆ ಇಲ್ಲ. ಕೋವಿಡ್‌ನಿಂದ ತಪ್ಪಿಸಿಕೊಳ್ಳಲು ಸಾಧ್ಯವಿಲ್ಲ. ದುರಂತದ ಯುದ್ಧಕ್ಕೆ ಸಿದ್ದರಾಗಿ ಎಂದು ಎಚ್ಚರಿಕೆ ನೀಡಿದೆ.
ಕೊರೊನಾ ಸೋಂಕಿನಿಂದ ಸಾವನ್ನಪ್ಪುವವರ ಸಂಖ್ಯೆ ಏರಿಕೆ ಆಗುತ್ತಿದ್ದಂತೆ ಚೀನಾ ಮತ್ತೆ ಕಳ್ಳಾಟ ಆರಂಭಿಸಿದೆ. ಮೃತಪಟ್ಟವರು ಎಲ್ಲಾ ಕೊರೊನಾದಿಂದ ಸಾವನ್ನಪ್ಪಿಲ್ಲ. ಅವರು ಬೇರೆ ಬೇರೆ ಆರೋಗ್ಯ ಸಮಸ್ಯೆಯಿಂದ ಬಳಲುತ್ತಿದ್ದರು. ಆ ಸಂಖ್ಯೆಯನ್ನು ಕೊರೊನಾ ಸಾವನ್ನಪ್ಪಿದವರ ಸಂಖ್ಯೆಯ ಜೊತೆ ಸೇರಿಸುವ ಅಗತ್ಯವಿಲ್ಲ ಎಂದು ಹೇಳಿದೆ.
