ಲೆಬನಾನ್​ ಮೇಲೆ ಬಿಳಿ ವಿಷ ಚೆಲ್ಲುತ್ತಿರುವ ಇಸ್ರೇಲ್​! ಏನಿದು White Phosphorus ? ಬ್ಯಾನ್ ಆಗಿರೋದ್ಯಾಕೆ?

ಭಯೋತ್ಪದಕ ರಾಷ್ಟ್ರ ಇಸ್ರೇಲ್ ಅಂತಾರಾಷ್ಟ್ರೀಯ ಯುದ್ಧ ನೀತಿಗೆ ವಿರುದ್ಧ ವಾಗಿ ಬಾಂಬ್​ ಗುಂಡುಗಳ ಬದಲಿಗೆ ಬಿಳಿ ವಿಷವನ್ನೇ ತನ್ನ ಯುದ್ಧರಂಗಕ್ಕೆ ಇಳಿಸಿದೆ. ಆನ್​ಲೈನ್​ನಲ್ಲಿ ಹರಿದಾಡುತ್ತಿರುವ ವಿಡಿಯೋ ಸದ್ಯ ಈ ಭಯಾನಕ ಸತ್ಯವನ್ನು ಬಹಿರಂಗಗೊಳಿಸುತ್ತಿದೆ. ದಕ್ಷಿಣ ಲೆಬನಾನ್​ನಲ್ಲಿ ಆರ್ಟಿಲರಿಗಳ ಮೂಲಕ ಬಿಳಿ ರಂಜಕದ (white phosphorus )ದಾಳಿ ಮಾಡುತ್ತಿದೆ. ಈ ಒಂದು ಕೆಮಿಕಲ್ ಅದು ಯಾವ ಮಟ್ಟಿಗೆ ಅಪಾಯಕಾರಿ ಅಂದ್ರೆ ಇದು ಬಿದ್ದ ಜಾಗವನ್ನು ಸುಟ್ಟು ಹಾಕುತ್ತದೆ. ಮನುಷ್ಯರು ಮೇಲೆ ಇದು ಬಿದ್ದಲ್ಲಿ ಇಡೀ ಮೈಯೇ ಸುಟ್ಟು ಹೋಗುತ್ತದೆ ಎಂದು ಹೇಳಲಾಗುತ್ತಿದೆ.

ಇದರ ಹೊರಸೂಸುವ ಹೊಗೆಯನ್ನು ಮನುಷ್ಯರ ಉಸಿರು ಸೇರಿದಲ್ಲಿ ಹಲವು ಉಸಿರಾಟದ ತೊಂದರೆಗಳು ಆಗುತ್ತವಂತೆ. ಕೆಲವೊಮ್ಮೆ ಮನುಷ್ಯರು ಉಸಿರುಗಟ್ಟಿಸಿಯೇ ಸಾಯಿಸುತ್ತಾರೆ ಎಂದು ತಜ್ಞರು ಹೇಳುತ್ತಿದ್ದಾರೆ. ಇದು ಮೈಮೇಲೆ ಬಿದ್ದರೆ ಒಳಚರ್ಮವನ್ನೇ ಸುಟ್ಟು ಹಾಕುವಷ್ಟು ಆಪಾಯಕಾರಿ

ಜನಸಂದಣಿ ಇದ್ದಲ್ಲಿ ಇಂತಹ ಬಿಳಿ ರಂಜಕಗಳ ದಾಳಿಗಳನ್ನು ನಡೆಸಬಾರದು ಅಂತ ಅಂತಾರಾಷ್ಟ್ರೀಯ ಕಾನೂನು ಇದೆ. ಈ ಒಂದು ಅಸ್ತ್ರ ಜನರಿಗೆ ಬೇರೆಯದ್ದೇ ರೀತಿ ಅಪಾಯವನ್ನುಂಟು ಮಾಡುವುದರಿಂದ ಇದನ್ನು ಬ್ಯಾನ್ ಮಾಡಲಾಗಿದೆ. ಆದರೂ ಕೂಡ ಇಸ್ರೇಲ್ ಅಂತಾರಾಷ್ಟ್ರೀಯ ಕಾನೂನುಗಳನ್ನು ಮೀರಿ ಈ ರೀತಿಯ ಅಸ್ತ್ರ ಪ್ರಯೋಗ ಮಾಡುತ್ತಿರುವುದು ಮತ್ತೊಂದು ಆತಂಕಕ್ಕೆ ಎಡೆಮಾಡಿಕೊಟ್ಟಿದೆ.