ಬಾಲಕಿಗೆ ಲೈಂಗಿಕ ಕಿರುಕುಳ ನೀಡಿರುವ ಆರೋಪ;ಬಾಲಮಂಜುನಾಥ್ ಸ್ವಾಮಿಯ ಮತ್ತೊಬ್ಬ ಶಿಷ್ಯ ಅರೆಸ್ಟ್​

ತುಮಕೂರು: ಪೋಕ್ಸೋ ಕೇಸ್ ಆರೋಪದಡಿ ಬಾಲಮಂಜುನಾಥ್ ಸ್ವಾಮಿ ಬಂಧನವಾಗಿದೆ. ಈ ಪ್ರಕರಣ ಸಂಬಂಧಿಸಿದಂತೆ ಕಾಮಿ ಸ್ವಾಮಿಯ ಮತ್ತೊಬ್ಬ ಶಿಷ್ಯನನ್ನ ಪೊಲೀಸರು ಅರೆಸ್ಟ್ ಮಾಡಿದ್ದಾರೆ.

ಮನೋಜ್ ಕುಮಾರ್ (26) ಎಂಬಾತನನ್ನು ಪೊಲೀಸರು ಬಂಧಿಸಿದ್ದಾರೆ. ದೂರು ನೀಡಿದ್ದ ಸಂತ್ರಸ್ತೆಗೆ ಕೇಸ್ ವಾಪಸ್ ಪಡೆಯುವಂತೆ ಬೆದರಿಕೆ ಆರೋಪದಡಿ ಈತನನ್ನು ಅರೆಸ್ಟ್​ ಮಾಡಲಾಗಿದೆ.

ಲೈಂಕಿಗ ಕಿರುಕುಳ ನೀಡಿದ ಆರೋಪದಡಿ ಬಾಲಕಿಯೊಬ್ಬಳು ಹಂಗರಹಳ್ಳಿ ವಿದ್ಯಾಚೌಡೇಶ್ವರಿ ಮಠದ ಪೀಠಾಧ್ಯಕ್ಷ ಬಾಲಮಂಜುನಾಥ್ ಸ್ವಾಮೀಜಿ ವಿರುದ್ಧ ದೂರು ನೀಡಿದ್ದಳು. ಸಂತ್ರಸ್ತ ಬಾಲಕಿ ಹುಲಿಯೂರುದುರ್ಗ ಪೊಲೀಸ್ ಠಾಣೆಯಲ್ಲಿ ಪೋಕ್ಸೋ ಕೇಸ್ ದಾಖಲಿಸಿದ್ದರು. ಈ ಆರೋಪದಡಿ ಬಾಲಮಂಜುನಾಥ್ ಸ್ವಾಮಿ ಹಾಗೂ ಸ್ವಾಮಿ ಯ ಆಪ್ತ ಸಹಾಯಕ ಅಭಿಲಾಷ್ನ​ನನ್ನ ಪೊಲೀಸರು ಬಂಧಿಸಿ 5 ದಿನಗಳ ಕಾಲ ವಶಕ್ಕೆ ಪಡೆದಿದ್ದಾರೆ.

ಅತ್ತ ಮನೋಜ್ ಕುಮಾರ್ ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸಂತ್ರಸ್ತ ಬಾಲಕಿಗೆ ಹಾಗೂ ಸಂಬಂಧಿಕರಿಗೆ ಕೇಸ್ ವಾಪಸ್ ತೆಗೆದುಕೊಳ್ಳುವಂತೆ ಬೆದರಿಕೆ ಹಾಕಿದ್ದನು. ಪ್ರಕರಣದ ಸಾಕ್ಷಗಳನ್ನ ನಾಶಪಡಿಸಲು ಮುಂದಾಗಿದ್ದನು. ಇದೀಗ ಸಂತಸ್ತ್ರ ಬಾಲಕಿ ಮತ್ತು ಮನೆಯವರ ಆರೋಪದಡಿ ಮನೋಜ್ ಕುಮಾರ್​ನನ್ನ ಹುಲಿಯೂರುರ್ದುಗ ಪೊಲೀಸರು ಬಂಧಿಸಿದ್ದಾರೆ.

ಮನೋಜ್​ ಕುಮಾರ್​ ಹಿನ್ನೆಲೆ ಏನು?

ಮನೋಜ್ ಕುಮಾರ್ ಕುಣಿಗಲ್ ಪಟ್ಟಣದಲ್ಲಿ ಮೊಬೈಲ್ ಶಾಪ್ ನಡೆಸುತ್ತಿದ್ದನು. ಸ್ವಾಮೀಜಿ ಪಟ್ಟ ಶಿಷ್ಯನಾಗಿ ಕೆಲಸ ಮಾಡುತ್ತಿದ್ದನು. ಸದ್ಯ ಮನೋಜ್ ಕುಮಾರ್​ನನ್ನು ಪೊಲೀಸರು ಬಂಧಿಸಿ ಜೈಲಿಗಟ್ಟಿದ್ದಾರೆ. ಪ್ರಕರಣ ಸಂಬಂಧ ಹುಲಿಯೂರುದುರ್ಗ ಪೊಲೀಸರಿಂದ ತನಿಖೆ ಮುಂದುವರಿದಿದೆ.